 උදාහරණ වශයෙන් කිවහොත් ඔබට තිබෙන්නේ තෙල් සහිත සමක් නම් තෙල් ගතිය අධික පැක් එකක් හෝ ආලේපනයක් යෙදුවහොත් එයින් මුහුණේ තෙල් ස්වභාවය තවත් වැඩි වී මුහුණේ කුරුලෑ, ගෙඩි, බිබිලි, ලප ආදිය වැඩි වශයෙන් මතු වීමට හේතුවක් විය හැකියි. කුරුළෑ සහිත සමක් නම් අපරික්‍ෂාකාරි ලෙස යම් යම් දේ තැවරීමෙන් සමට විෂබීජ ඇතුලු වී කුරුලෑ ආසාදනය වන්නට පුළුවන්. වියළි සමකට සම තව තවත් වියළි බවට පත්වන ආකාරයේ ආලේප භාවිතා කළහොත් එම තත්ත්වය තවත් වැඩිවේවි. එම නිසා මුහුණට යම් යම් දේ තැවරීමට පෙර ඒ පිළිබඳය සැලකිලිමත්ව කටයුතු කිරීම වැදගත්. යමක් මතු පිටින් තැවරූ පමණීන් සමෙහි පැහැපත් බවක් ඇති වන්නේ නැහැ.එම තත්ත්වය ඇතිකර ගැන්මට නම් මෙම සත්කාරය ක‍්‍රමවත්ව අනුගමනය කළ යුතුයි. ෆේෂල් එකකදී මුහුණ සම්බාහනය කිරීම සඳහා නිවැරැදි මසාජ් ක‍්‍රම අනුගමනය කෙරෙනවා. මෙවැන්නක් දැනුවත් බවකින් තොරව නිවෙසේදී තනිව කරගැන්ම අපහසුයි. ඉතා සියුම් ලෙස අතැගිලි හසුරුවමින් නියමිත නිල ස්ථාන තෙරපමින් ඉතා ක‍්‍රමවත්වයි මෙම සම්බාගනය සිදු කෙරෙන්නේ එසේ නොමැතිව අපට සිතෙන සිතෙන ආකාරයට අනවශ්‍ය ලෙස සම තද කිරීම, තෙරපීම ආදියෙන් සම පීඩාවට පත්වන්නට පුළුවන්. ඉතින් මෙම කරුණු අනුව ෆේෂල් කර ගැන්ම වඩාත් සුදුසු වන්නේ පහසුකම් සහිත පුහුණුවලත් පලපුරුදු ශිල්පිනියන් සිටින රූපලාවන්‍ය ආයතනයකින් බව ඔබට වැටහෙන්නට ඇති . |
නිවසේදී ෆේෂල් කර ගැන්ම සුදුසුද?
0 comments:
Post a Comment